|
भारतीय जीवन और दर्शन >> रघुवंश महाकाव्यम् रघुवंश महाकाव्यम्जनार्दन शास्त्री पाण्डे
|
|
||||||
ततो गौरीगुरुं शैलमारुरोहाश्वसाधनः।
वर्धयन्निव तत्कूटानुद्भूतैर्धातुरेणुभिः।७१॥
शशंस तुल्यसत्त्वानां सैन्यघोषेऽप्यसंभ्रमम्।
गुहाशयानां सिंहानां परिवृत्त्यावलोकितम्॥७२॥
भूर्जेषु मर्मरीभूताः कीचकध्वनिहेतवः।
गङ्गासीकरिणो मार्गे मरुतस्तं सिषेविरे॥७३॥
विशश्रमुर्नमेरूणां छायास्वध्यास्य सैनिकाः।
दृषदो वासितोत्सङ्गा निषण्णमृगनाभिभिः॥७४॥
सरलासक्त-मातङ्ग-ग्रेवेय-स्फुरित-त्विषः।
आसन्नोषधयो नेतुर्नक्तमस्नेहदीपिकाः॥७५॥
तस्योत्सृष्टनिवेशेषु१ कण्ठरज्जुक्षतत्वचः।
गजवष्र्म किरातेभ्यः शशंसुर्देवदारवः॥७६॥
तत्र जन्यं रघोरं पर्वतीयैर्गणैरभूत्।
नाराच-क्षेपणीयाश्म-निष्पेषोत्पतितानलम्॥७७॥
शरैरुत्सवसंकेतान् स कृत्वा विरतोत्सवान्।
जयोदाहरणं2 बाह्वोर्गापयामास किन्नरान्॥७८॥
परस्परेण विज्ञातस्तेषूपायनपाणिषु।
राज्ञी हिमवतः सारो राज्ञः सारो हिमाद्रिणा ॥७९॥
तत्राक्षोभ्यं यशोराशि निवेश्यावरुरोह सः।
पौलस्त्यतुलितस्यादेरादधान इव ह्रियम् ॥८०॥
---------------------------
१. निवासेषु. पा.
२. उदाहरणं गीतबन्धः। द्र. वि २।१३.
|
|||||
- प्रथमः सर्गः
- द्वितीयः सर्गः
- तृतीयः सर्गः
- चतुर्थः सर्गः
- पञ्चमः सर्गः
- षष्ठः सर्गः
- सप्तमः सर्गः
- अष्टमः सर्गः
- नवमः सर्गः
- दशमः सर्गः
- एकादशः सर्गः
- द्वादशः सर्गः
- त्रयोदशः सर्गः
अनुक्रम
अन्य पुस्तकें
